667. පුවක් එෂැණිං - 63 - God works in mysterious ways & තණමල්විල කොල්ලෙක්...සීසන් - 2

ලික්ටන්ස්ටයින් සිතියම

God works in mysterious ways…

අපේ නන්දෙ සාර් වැඩ කරන්නෙ කාටවත් හිතාගන්ටවත් බැරි විදිහට..කුරුත හස්ත දූරදර්සී රාජ්ජිය නායකයෙක් කියන්නෙ අන්න අපේ නන්දෙ සාර් වගේ අය..

දැං බලමු එතුමා මේ පහුගිය සුමානෙ කොරපුදේ..ලික්ටන්ස්ටයින් කියල සුට්ටං රටක් එක්ක තානාපති සබඳතා පිහිටුවා ගන්ට කැබිනට් අනුමැතිය ගත්ත..දැං පොඩ්ඩක් බලමු එහෙම කරපු එකේ පල පොරෝජනේ මොකද්ද කියල..

ලික්ටන්ස්ටයින් රටේ මුලු භූමි ප්‍රමාණය වර්ග කිලෝ මීටර් 160යි. ජනගහනය 38,000ක්ද කොහෙද..ඉතිං ඔය හැමවෙලේම සාර්ගෙ වැරැද්දක්ම හොයන අපතයො නං එක එක කඩප්පුලි කතන්දර කියයි අහවල් දේකටද මෙහෙම සුට්ටං රටක් එක්ක තානාපති සබඳතා පිහිටුවා ගන්නෙ? ඔතන වෙන මොනව හරි යටි කූට්ටු වැඩක් තියනව..අරකද ..මේකද කියල.. නන්දෙ ඔහොම කලේ අරකටය මේකටය කියල..නෑ..එතුමා එහෙම කලේ අපේ රටේ මිනිස්සුන්ගෙ විසේසයෙන්ම සිස්ස සිස්සියාවන්ගෙ සාමාන්‍ය දැනුම එතකොට බූගෝලීය දැනුම දියුණු කිරීමේ පරම පවිත්තර චේතනාවෙං..

ඒක වෙන්නෙ මෙන්න මෙහෙමයිි..දැං ඔය ලික්ටන්ස්ටයින් එක්ක තානාපති සබඳතා පිහිටුවා ගත්ත කියල දැනගත්තම අපි කවුරුත් හොයල බලනව නෙවද මොකද්ද බොලේ මේ රට? කොහෙද මේක තියෙන්නෙ? මොකද්ද මේ රටේ වැදගත්කම කියල එහෙම නේද?

ඉතිං එහෙම හොයල බැලුවම මම දැනගත්ත ලික්ටන්ස්ටයින් කියන්නෙ Doubly landlocked countries කියන ජාතියෙ රටක් කියල. එහෙම Doubly landlocked රටවල් ලෝකෙටම තියෙන්නෙ දෙකයි..කොටිම්ම මම මේ දැං පැය බාගයක් වෙනකල්ම දැනගෙනවත් හිටියෙ නෑ Doubly landlocked countries කියල රටවල් ජාතියක් මේ ලෝකෙ තියනවයි කියලවත්.

Land locked country කියල කියන්නෙ යම් රටක සම්පූර්ණයෙන්ම ගොඩබිමින් වටවෙලා තියෙනවනම්... ඒ කියන්නෙ වෙන විදිහකට කිව්වොත් මුහුදක් හෝ සාගරයකට මායිම් නොවන රටක්..එතකොට Doubly land locked country කියන්නෙ ඒ රට වටේට තියන රටවලුත් Land locked countries උනහම. ලෝකෙම එහෙම රටවල් දෙකයි තියෙන්නෙ..ලික්ටන්ස්ටයින් සහ උස්බෙකිස්තානය..

අන්න බලන්න නන්දෙ හින්ද අපේ දැනුම කොයිතරං නම් දියුණු වෙනවද කියල..දැං සිරස ලස්සපති එකට උනත් බය නැතුව ගිහිල්ල අපිට උත්තර දෙතෑකි.

රැස්පොට් සාර්...ඔබට දුන් මනාපය වෙනුවෙන් කිසිදු දුකක් කණගාටුවක් මසිතෙහි කොහෙත්ම නැත.

තණමල්විල  සාර්ගේ ගැමි ආතල් එක පැවැත්වුනු
පොල් අතු මාළිගය

තණමල්විල කොල්ලෙක්...සීසන් - 2

"සාර්.."

"මොකද අයිසෙ?"

"සාර් අර නැගෙනහිර ජැටියෙ ප්‍රස්නෙ දුරදිග යනව වැඩියි..වරායෙ සේවකයො අකුරට වැඩ කිරීමේ ව්‍යාපාරක් අරගෙන යනවනෙ .."

"ඉතිං..?"

"ඉතිං කියන්නෙ ඒ වැඩේ හින්ද රටට සෑහෙන පාඩුවක්නෙ.. ඒ හින්ද ඒ ගැන හෙට අපි කතාකරල අවසන් තීරණයකට එමුද?"

"පිස්සුද අයිසෙ? හෙට මට තණමල්විල යන්ට තියනව.. "

"ඒ මොකටද සාර්? "

"ඒ මොකටද කියල අහන්නෙ? එහෙ පුදුම ප්‍රස්න ගොඩක්නෙ අයිසෙ තියෙන්නෙ..එව්ව වහාම විසඳන්ට ඕන.."

"ඒ කිව්වෙ සාර්? මේ වරායෙ ප්‍රස්නෙටත් වඩා වැදගත් ප්‍රස්නද තණමල්විල එව්ව? "

"එහෙනං එහෙනං..එහෙ මිනිස්සුන්ට ගංජා නීතිගත කරල ඕනය කියනව...හෝතඹුවො කුකුළො මරාගෙන කනව කියනව..එතනිං ගිහාම මාවවුලන් රෑ පුරාම රංචු ගැහිල මීගස් යට මී වැහි වහිනවයි කියනව.."

"හරි හරි ඇත්ත නේන්නං..වරායෙ ප්‍රස්නෙ වගේද එව්ව?..."

"අන්න තමුසෙට තේරුනා..අනික මම හෙට කොහොමත් යන්න ඕන..එහෙ ගහල තියනව අලුත්ම පොල් අතු මඩුවක්..මාර ගාම්බීරයි අයිසෙ..කණුවල පිදුරු අඹරල ඔතල..ෂෙහ් බලන්ට එපාය…"

"අම්මප?....නියමයිනෙ.."

"එහෙනං එහෙනං..මම කිව්ව මට පිදුරුවලිං ඔටුන්නකුත් හදල තියන්ටෙයි කියල..ඒත් එහෙ සංවිදායක මන්ඩලේ ඒකට ඒ හැටි කැමැත්තක් නෑ…"

"එහෙමද? "

"ඒකනෙ..අනික අයිසෙ ප්‍රස්න අහන්ට කොල්ලො කට්ටියක් වෙනම සූදානං කරල තියනව.. සුම්බර එහෙම ඔලුවෙ ඔතල..ආතල්ම වැඩේ කියන්න් උං ප්‍රස්න අහන්නෙ විසාල පලු ගහක් උඩ හදපු අට්ටාලයක් උඩට නැඟල.."

666. උඳුපියලිය මල්….....

උඳුපියලිය මල්

අපේ ගේ ඉස්සරහ තියනව පොඩි තණකොළ පිටැන්නක්. පිට්ටනියට පිටැන්න කියන්නෙ දකුණෙ ඈයො නොහොත් ගෝල් ග්ලැඩියේටර්ස්ල. පනිට්ටුව, සාළුව එව්ව දකුණෙ ඈයො බාවිතා කරනවයි කියල හැමෝන්ම දන්න වචන නෙව. සෑනා කියල දකුණු රටේ කස්ටිය සතෙකුට කියනව අහල තියද ඔහෙල?

පිටැන්න කිව්වට මේ අඩි පහක් වගෙ පළල එතනින් ගිහාම අඩි හතළිහක් වගෙ දිග කෑල්ලක්. පර්චස් දොළහක් අරගෙන ඒකෙනුත් පර්චස් තුනක් විතර ගෙදරට එන පාරට ගියාම ඉතුරු කෑල්ලෙ ගේ හදපුවහම ඔය ඉතිං මිදුලක්ය කියල ඉතුරු වෙච්චි හරිය තමා..මක්ක කොරන්නෙයි?

ඉතිං පහුගිය දවසක උදේ අටාමාරට විතර මම ඔය පිටැන්නෙ ඇවිද ඇවිද හිටිය එහාට මෙහාට. අර සක්මන් කරනව කියන්නෙ. "සක්මන් කරන මලුවේදී බැඳි හාද...දස්කොන් මගෙ නමට ජීවිතෙ දෙනවාද?"...ඔය දස්කොන් හිටියයි කියන්නෙ හඟුරන්කෙත..පහුගිය අවුරුද්දෙ දෙසැම්බර් 22 වෙනිද මම තවත් මිතුරන් හතර දෙනෙකුත් එක්ක ගියා හඟුරන්කෙත ඔය දස්කොන් හොයාගෙන..දස්කොන් හොයාගෙන කිව්වට ඇත්තටම ගියේ ගල් බෝලයක් හොයාගෙන...හෙහ්..හෙහ්..ඒ කතාව මෙහෙමයි...

ඔය උඩරට රාජධානිය තිබ්බ කාලෙ රාජද්‍රෝහී චෝදනාවට වැරදි කාරියන් වෙන රදළ කුලයේ කාන්තාවන්ට දුන්නු දඬුවම තමයි දියේ ගිල්වා මරණයට පත් කිරීම..

අර ඇහැලේපොල කුමාරිහාමි එහෙම මැරුවෙ කකුලට ගලක් බැඳල බෝගම්බර වැඩේ ගිල්ලවල  කියලනෙ කියන්නෙ...ඉතිං ඔය එහෙම වැඩවලට පාවිච්චි කරපු ගල් බෝලයක් හඟුරන්කෙත තියනවයි කියල ඒක හොයන්නයි අපි ගියේ..

නිදිගේ පංචතන්තරේ ලියන නිමල් ගොයියයි, ප්‍රා උන්නැහෙයි, නිදිගෙ අතිජාත මිත්‍රයෙක් වන නෙවිල් ලොක්කයි..එතකොට ඕස්ට්‍රේලියාවේ වෙසෙන සිරිබිරිස් මලයයි..අපි කට්ටිය තමයි ඔන්න ඔය ගල් බෝල එක්ස්පෙඩිෂන් එකට ගියේ..මාර ජොලි ගමන ඒක...ගල් බෝලයක්නං අපිට හොයාගන්ට බැරිවුනා..නිදි අවුරුදු විස්සකට වගෙ ඉස්සර එහෙම එකක් දැකල තියනව ඔය දස්කොන් ගැන හොයන්ට හඟුරන්කෙත ගියපු වෙලාවක..

සිරිබිරිස් ලංකාවට ආපු වෙලාවක (සිරිබිරිස් හොඳ එකා..ඕකා තමයි අර සිබිල් වෙත්තසිංහ මහත්මිය හම්බවෙන්න ගිහිල්ල මම පොඩි කාලෙ එතුමියගෙ තදබල රසිකයෙක්ය එහෙම කියල එතුමියගෙ කුඩහොරා පොතේ "ආදර රවි පුතාට.." කියල සටහනක් එහෙම ලියවගෙන මට ගෙනත් දුන්නෙ..) ඉතිං ගිය දෙසැම්බරේ සිරා ලංකාවට ආපු වෙලාවෙ මාව බැහැ දකින්නම ඕනය කියපු පාර නිදියි ප්‍රායි දෙන්න තමයි ඔය නුවර එන ගමන ලෑස්ති කරල තියෙන්නෙ..ඒ පාර දඹුලු සහ තලගොයි වගේ ඒත් එක්කම අර ගල් බෝල ගැනත් හොයමුකො බලන්න කියලයි හඟුරන්කෙත ගියේ.

හරි කොහොම හරි එදා තකහනියක් ගියාට ගල් බෝල හම්බවුනේ නම් නෑ. පස්සෙ අපි අපේ ගෙදර ඇවිල්ල පොඩි අඩියක් ගහන අතරෙ  උඩරට ඉතිහාසය පිළිබඳ ප්‍රාමාණික විද්වතෙක්වන ප්‍රාගෙ යාලුවෙකුගෙන් කෝල් කරල ඇහුවම කිව්වෙ එහෙම දෙයක් ගැන නම් අහල නැතය, බොහෝවිට ඔය බොහොම සුමටව මට්ටම් කරපු ගල් බෝලනම් එකත් එකටම කාලතුවක්කු උණ්ඩ වෙන්ට ඇතිය කියල. පස්සෙ අපිටත් හිතුන එහෙම තමයි වෙන්ට ඇත්තෙ කියල. අනික කාගෙ හරි කකුලක බැඳල දියේ ගිල්ලපුවහම  ඔය ගල්බෝලෙ එදා ඉඳල වැවේ හරි ගඟේ හරි ඒ ගිල්ලවපු තැන ජලාසයෙ පතුලෙනෙ තියෙන්නෙ. එහෙම එකක් ඔය විදිහට සුමටව බෝලයක් වගෙ හදන එකේ කිසිම තේරුමක් නැතිය කියලත් අපි කතා වුනා.

හැබැයි අනික අතට එහෙමම කියන්ටත් බෑ. දැං බලමුකො ඔය අනුරාධපුරේ එහෙම පරණ සංඝාරාමවල තියෙන කැසිකිළි. මුත්‍රා කරන්ට පාවිච්චි කලාට එව්වයෙ තියෙන කැටයම් දැක්කම පිස්සු හැදෙනව.ඒ කාලෙ ඉතිං රාජ අණනෙ. අරම කරපිය මෙහෙම කරපිය කියල රජ්ජුරුවො කිව්වම "හා ඒ මොකටද? ඒකෙ කිසිම තේරුමක් නෑනෙ.." අය එහෙම කියන්ට පුලුවන්ය. "එහෙයි දේවයන් වහන්ස" කියල කියපු හැටියට කරන එකයි තියෙන්නෙ. 

හරි ඔය අපේ හඟුරන්කෙත චාරිකාව ගැන ලියන්ටම ඕමනය කියල එදා ඉඳලම හිතගෙන ඉන්නව ඔන්න බලමු ඒකෙත් හැටි හරියටම අවුරුද්දකුත් ගියා තාම ඒ වැඩේ කෙරුනෙ නැහැ නෙව. වෙලාවකට මට හිතෙනව ඒ කාලෙ වගෙ රජ කෙනෙක් ඉඳල "එම්බල ලියාපිය ඒ විස්තරේ දවස් තුනක් ඇතුලත. නැත්තං තගේ හිස ගසා දානවා බල දැනගිය..." කියල රාජාඥාවක් නිකුත් කලානම් ඔන්න බොහෝවිට වැඩේ කෙරෙයි..හරි හරි පුලුවන් ඉක්මනට ඒ විස්තරේ ලියන්නම්කො..

හරි ආය එමුකො අපේ ගේ ඉස්සරහ පිටැන්නට. මම කිව්වනෙ පිටැන්නෙ මම සක්මන් කරමින් හිටියයි කියල. ඔය පිටැන්නෙ අර මොනවද ඕස්ට්‍රේලියන් තණකොළද මැලේසියන් තණකොළද කියල ජාතියක් වවල තිබ්බට දැං ඒ තණකොළ අතර සෑහෙන්න උඳුපියලියත් වැවිල තියනව. ඒ අතර තව රටේ නැති වල පැල ජාතියි ඇඹුල් ඇඹිලිය එහෙමත් වැවෙනව. මම ඉතිං සති දෙහෙකට විතර සැරයක් ඇඟට ව්‍යායාමෙකටත් එක්ක හොඳයිනෙ කියල ඔය වැවිල තියෙන අනවශ්‍ය පැළෑටි අතිම්ම ගලවල දානව.පොඩි තණකොළ කපන මැසිමක් තිබ්බට අතිං ගලවල දාන එක ලේසියි. ඇඟටත් හොඳයි.

හැබැයි ඉතිං විනාඩි හතර පහක් නැමිල වල් ගලවනකොට දණිස් දෙක කැක්කුං අල්ලනව. ඒ වෙලාවට පොඩ්ඩක් කොන්ද දිගඇරගෙන එහෙම ඉඳල ආයම වැඩේ පටං ගන්නව..වැඩේ කියන්නෙ දණිස් එතකොට කොන්දට එහෙමත් මගේ වයසමනෙ..ඒකයි අවුල..මක් කරන්නෙයි ඉතිං?

හරි අර මම සක්මන් කරමින් හිටියයි කිව්වෙ උදේ පාන්දර උඳු පියලිය ගොල්ලක වැටිච්චි පිණි මතින් සක්මන් කරන එක හොඳයි කියනව නොයෙක් ලෙඩ රෝගවලට..ඇත්තද නම් මන්ද..වැඩේ ආතල් හින්ද මම ඉතිං ඔහෙ කොරනව...

ඉතිං පහුගිය දවසක මම උදේම ඔය උඳුපියලිය ගොල්ලෙ සක්මන් කරන්ට ආහම මෙන්න යකෝ මුලු පිටැන්නම දම්පාට සුට්ටි සුට්ටි මල් වලින් පිරිල..ඒ ඇවිල්ල උඳුපියලිය මල්..බලන්ට ලස්සනයි..ඒ දම්පාට මල් අතරෙ පාන්දර වැටිච්චි පිණි කැට දිලිසෙනව උදේ ඉර අව්ව වැටිල..ඔහොම පුංචි පුංචි මල් පිපිච්ච පිට්ටනියකට ඉංගිරිසියෙන් කියන්නෙ බ්ලූම්ෆීල්ඩ් (Bloomfield) කියල...(උඩ පින්තූරෙ බලන්ටලාකො...)

බ්ලූම්ෆීල්ඩ් කියල ක්‍රිකට් ක්ලබ් එකක් තියනව දන්නව නේද? 77,78,79 කාලෙ විතර අපේ ප්‍රියතම ක්‍රිකට් ක්ලබ් එක ඇවිල්ල ඔය බ්ලූම්ෆීල්ඩ් එක. ඒකට ප්‍රධානම හේතුව බ්ලූම්ෆීල්ඩ් එකට ක්‍රීඩා කරපු ක්‍රීඩකයින් බහුතරයක් ආදි නාලන්දීයයන්. බන්දුල වර්ණපුර, ලලිත් කළුපෙරුම, ජයන්ත සෙනෙවිරත්න..අපි ඒ කාලෙ සති අන්තයෙ බ්ලූම්ෆීල්ඩ් මැච් එකක් තියනවනං කොහොම හරි ටියුෂන් ක්ලාස් කට් නොවෙන්ට පැය දෙකක් වත් ගිහිල්ල මැච් එක බලනව. අපිට ඒ කාලෙ හරිම ප්‍රශ්ණයක් තිබ්බ මේ බ්ලූම්ෆීල්ඩ් කියන වචනෙ තේරුම මොකක්ද කියන එක....

හැබැයි ඉතිං ඔය කොච්චර බ්ලූම්ෆීල්ඩ් ටීම් එක ගහන මැච් බැලුවත් බ්ලූම්ෆීල්ඩ් කියන වචනෙ තේරුම නම් අපි දැනගෙන උන්නෙ නෑ කිව්වම මොකද?

අන්තර්ජාලෙ තියා ජංගම දුරකථනවත් නොතිබිච්ච ඒ කාලෙ ඔය වගෙ නොදන්න වචනෙක තේරුම වගෙ දෙයක් දැනගන්ට තිබ්බ එකම ක්‍රමේ තමයි ඒ ගැන මනා අවබෝධයක් තියෙන වැඩිහිටියෙක්ගෙන් නැත්නම් ගුරුවරයෙක්ගෙන් අහල දැනගන්න එක. අර බොහෝ ඇසූ පිරූ තැන් ඇති බහුශ්‍රැත පඬිවරු කියල පරණ පොත්වල කියන්නෙ..ආන්න එහෙම කෙනෙක් හොයල අහල දැනගන්න එක..

අන්තර්ජාලය හින්ද ඇත්තටම දැන් ඒ බොහෝ ඇසූ පීරූ බහුශ්‍රැත උදවියට තියන තැන නැතුව ගිහිල්ල..අන්තර් ජාලය - තොරතුරු සුපිරි මාවත (ඉන්ටෙර්නෙට් - Information superhighway) අන්න එහෙමයි 1993 විතර අන්තර්ජාලය ලංකාවට ආපු දවස්වල අන්තර්ජාලය කියන්නෙ මොකක්ද? ඒකෙං ගන්න පුලුවන් ප්‍රයෝජන මොනවද? කියල හඳුන්වල දුන්නු ජාතික රූපවාහිනී වැඩසටහනක අන්තර්ජාලය හඳුන්වල දුන්නෙ. 

වැඩ සටහනේ නම "අන්තර්ජාලය ඔබේ නිවසට" මෙහෙයවූයේ ටී.එම්.ජී.චන්ද්‍රසේකර... ඒ දවස්වල මට මතක විදිහට රූපවාහිනියෙ වැඩ සටහන් සම්පාදකවරෙයෙක්. එයාට තමයි අර මතකද ආචාර්ය මර්වින් සිල්වා රූපවාහිනියට පැනල යකා නටල ගැහුවෙ එහෙම. ඒ වෙනකොට එයා රූපවාහිනියෙ ප්‍රවෘත්ති අධ්‍යක්ෂ ද කොහෙද...

හරි ආයම බ්ලූම්ෆීල්ඩ් එකට ආවොත් අපි අන්තිමට ඒ වචනෙ තේරුම අහගත්තෙ අපේ ඒ දවස්වල ඉංග්‍රීසි මාස්ටර් මිස්ටර් නෙල්සන් මෙන්ඩිස් මහත්මයාගෙන්. අපි එක අවුරුද්දක් (අවුරුද්දක් කිව්වට මාස හතරක් විතර ඇත්තම කිව්වොත්) ඒ ලෙවල් වෙනුවට සමගි පෙරමුණු ආණ්ඩුවෙ නව අධ්‍යාපන ප්‍රතිපත්ති අනුව හඳුන්වා දීපු ජාතික උසස් අධ්‍යාපන සහතිකපත්‍ර පංතියෙ ඉගෙන ගත්තනෙ. ඒකට කෙටියෙන් කිව්වෙ H.N.C.E. කියල. විෂයයන් අටක් තිබ්බ. ඉංග්‍රීසිත් එක විෂයයක්. අපිට ඉංග්‍රීසි ඉගැන්නුවෙ නෙල්සන් මෙන්ඩිස් මහත්මයා. එතුමා වඩාත්ම ප්‍රසිද්ධ දක්ෂ ක්‍රිකට් පුහුණුකරුවෙක් විදිහට. ඒ කිට්ටුවම වගෙ එතුමා ගුරු සේවයෙන් ඉවත්වෙලා සිංගර් ශ්‍රී ලංකා සමාගමේ මෙහෙයුම් කළමණාකාර වගෙ තනතුරකට ගියා. එතුමාගෙ වැඩිමහලු සහෝදරය තමයි ආනන්දෙ උගන්නපු ලයනල් මෙන්ඩිස් මහත්මයා.

ඔන්න බලමු තණකොළ පිට්ටනියෙ පිපිල තිබ්බ උඳුපියලිය මලෙන් පටන්ගත්තු කතන්දරේ අන්තිමට කොහෙ කොහෙ ගිහිල්ලද නතර උනේ? නැද්ද?..මෙහෙම කතා ලියන එකට සමහර උදවිය පඳුරු තලනවයි කියලත් කියනව.. ඒත් මම වඩාත්ම කැමති අර තිස්ස අබේසේකර මහත්මය එතුමාගෙ හරිම අපූරු පොතකට දාල තියන නම දාන්න මේ වගෙ කතන්දර ශෛලියකට.."අයාලේ ගිය සිතක සටහන්."..හෙහ්..හෙහ්...හෙහ්..

665. පුවක් එෂැණිං - 62 - බයියන් පාරට බැසීම, සාර්ගේ පදිරිවීම සහ අබේගේ පිණ්ඩපාත චාරිකාව...

ඉවසල ඉවසල බැරිමතැන "ඕන XXXXXක් පණං අටයි" 

කියා බයියන් පාරට බැසි ඒ අසිරිමත් අවස්තාව...

බයියන් පාරට බැසීම....

*************************

අ.පො.ස. උසස් පෙළ ඉංජිනේරු තාක්ෂණවේදය විෂයය - ආදර්ශ ප්‍රශ්න අංක 01 

හෝමෝ බයියෙන්සිස් නොහොත් බයියන් පසුගිය ජනාධිපතිවරණයට පෙර මෙසේ පැවසූහ. "ගෝටාබට ස' උනත් වැරැද්දක් කලොත් අපි පාරට බහින එක බහිනවාමයි.." ඒ අනුව පහත දත්තයන්ද සැළකිල්ලට ගෙන අසා ඇති ප්‍රශ්නවලට පිළිතුරු දෙන්න (ලකුණු 40)

සැළකිල්ලට ගත යුතු දත්ත :-

* 2019 ජනාධිපතිවරණයේදී ගෝඨාභය රාජපක්ෂ මහතාට ලැබුණු ඡන්ද ප්‍රමාණය = 6,900,000

* සාමාන්‍ය ශරීර ප්‍රමාණයෙන් යුතු මිනිසෙකුට සිටගෙන සිටීමට අවශ්‍ය ඉඩ ප්‍රමාණය = වර්ග මීටර 0.75 

* ශ්‍රී ලංකාවේ දැනට ඉදිකොට ඇති මහාමාර්ග ප්‍රමාණය = කිලෝ මීටර් 12,000 

* මංතීරු දෙකකින් යුතු මහාමාර්ගයක පළල = මීටර් 7

(1) බයියන් මේ මොහොතේ පාරට බසින්නේනම් බයියන් කොපමණ දෙනෙකුට සිටගෙන සිටිනු සඳහා ශ්‍රී ලංකාවේ වර්තමාන මාර්ග පද්ධතිය ප්‍රමාණවත් වන්නේද? 

(2) සියලුම බයියන්ට එකවර පාරට බැස සිටගෙන සිටීම සඳහා මංතීරු දෙකකින් යුතු මාර්ග තව කිලෝ මීටර් කොපමණ ප්‍රමාණයක් ඉදිකල යුතුද?

(3) සියලුම බයියන්ට එකවර පාරට බැස සිටගෙන සිටීම සඳහා මංතීරු හතරකින් යුතු මාර්ග තව කිලෝ මීටර් කොපමණ ප්‍රමාණයක් ඉදිකල යුතුද?

(4) සියළුම බයියන් එකවර පාරට නොබැස අතිගරු ජනාධිපතිතුමන්ගේ ධුරකාලයේ ඉදිරිවසර හතර තුල සමානුපාතිකව පාරට බසින්නේ නම් ඉදිරි වසර හතර තුල එක් එක් වසර සඳහා නව මහා මාර්ග කිලෝමීටර් කීයක් ඉදිකල යුතුද?

සිල් රෙදි හොරුන්ගේ දඩ මුදල ගෙවීම සඳහා සල්ලි හිඟාකෑමට
අබේ පාරට බැසි ඒ අසිරිමත් අවස්තාව...

සාර්ගේ පදිරිවීම සහ අබේගේ පිණ්ඩපාත චාරිකාව...

*******************************************************

දැං අපේ සාර් අර සබිරිය ඉස්සරහ පදිරි වෙනව පදිරිවිල්ලක් හතර විලි ලැජ්ජාවෙ බෑ...කොටිම්ම කිව්වොත් ඒ යකාට චන්දෙ නොදුන්නු අපේ ඉහේ උකුණොත් බිමට පයිනව.. 

සබිරිය මොන නැටුං නැටුවත් සාර්ට අර මොනවද කාපු රිළව වගෙ විරවගෙන ඉන්ට වෙලා තියනවයි කියන්නෙ අර සාර්ගෙ නඩු කතා කරපුවට සබිරිය සල්ලි අරං නෑ. දන්නවනෙ සබිරියල ඇවිල්ල දුරදිග බලල වැඩකරන මිනිස්සු..ඒ කාලෙ කියන්ට ඇති "ගොට්ට සෑර්..මට සත පහක්වත් එපා. ඔබතුමා වෙනුවෙන් මම පෙනී ඉන්නෙ නොමිලේ... "...ගොට්ට අහුවුනා ඒ ගැටේට..ඒක හින්ද තමයි නඩු ගාස්තු හැටියට අදිකරන ඇමති කමත් දීල මූ කියන කියන පදේට නටන්ට වෙලා තියෙන්නෙ.

හැබැයි ගොට්ටට සුට්ටක් ඔලුව පාවිච්චි කලානම් මෙහෙම දෙයක් කරන්න තිබ්බ..ගන්නව අබේට කෝල් එකක්....අබේ..අබේ..අපෙ මැදගොඩ අබේ උන්නැහෙ..

"අබේ මම ගොට්ට…"

"කියන්න සාර්.."

"මේ මයෙ මේ නඩු වලට සෑහෙන ගානක් වියදං යනවනෙ..මයෙ අතේ මේ වෙලාවෙ එහෙමට සල්ලියක් නෑනෙ අබේ.."

එහෙම කිව්වනං අබේ එකත් එකටම කියනව "හරි හරි සාර් බයවෙන්ට එපා..මම හෙටම නඩුගාස්තු එකතුකිරීමේ මහා පිණ්ඩපාත චාරිකාවක් සංවිදානය කොරන්නංකො…"

එහෙම කියල අබේ නිකං ඉන්නෙත් නෑ..අර සිල් රෙදි හොර තක්කඩිංට ගහපු දඩේ ගෙවන්ට සල්ලි හිඟාකෑමේ චාරිකා සංවිදානය කරල අබේට තියනව හොඳ ඇස්පීරියන්ස් එකක්..ඒ හින්ද පහුවදාම තඩි බැනර් එකකුත් පෙරටුකොටගෙන මෙන්න අබේ යනව පිණ්ඩපාත චාරිකාවේ..

"ගොට්ටා සාර්ගේ නඩු වල පෙරකදෝරු ගාස්තු එකතු කිරීමේ මහ අසදෘශ පිංඩපාත චාරිකාව" 

ඔහොම ගිහිල්ල ඕන ගාණ එකතු කරල ගොට්ටට දෙනව්. ගොට්ට ඒ සල්ලි වලිං සබිරියගෙ ගාස්තුව ගෙවල දානව. සරලයි සුගමයි. එහෙම උනානං ගොට්ටට මේ වගෙ සබිරිය ඉස්සරහ ඇඹරෙන්නෙ නැතුව කොඳු නාරටිය කෙලිං තියාගෙන ඉන්ට තිබ්බනෙ සිංහය වගෙ..

මම නං කියන්නෙ අබේට දැං උනත් පරක්කු නෑ..මොකෝ කියන්නෙ අබේ?...දෙමුද ගේමක්?

664. පුවක් එෂැණිං - 61 - The Speaker නොහොත් කටානායක සහ Failed State නොහොත් අසමත් රාජ්ජිය…

ඉස්පීකර් නොහොත් කටානායක කියන්නේ පාර්ලිමේන්තුවේ ප්‍රදානියාය. එහෙම නැත්තං ලොක්කාය. මේඊයෙ පෙරේදා රංජා කටානායකට ලොක්කා කියා ඇමතුවාය කියා අර බදුල්ල පැත්තෙං අලුතෙං ආපු පෝට්ටුවේ මන්තිරි හාදයෙකුට මල පැනලා රංජාට ඒක මේක කිව්වා මම ටී.වී. එකේ බලාගෙනය. ඔය කටානායකට ඉංග්‍රීසියෙන් කියන "The Speaker" කියන වචනෙ හැදුනු හැටි හරි අපූරු කතාවකි...

රජ්ජුරුවො තමයි අනාදිමත් කාලෙක ඉඳල එංගලන්තෙ සර්ව බලදාරී පාලකය. ඒත් පස්සෙ පස්සෙ රජවරු පිස්සු කෙලින්ට ගත්තම මිනිස්සු එකතුවෙලා රජ්ජුරුවන්ගෙ හිතුවක්කාර වැඩ පාලනය කරන්ට උපදේසක සබාවක් පිහිටුව ගත්ත. ඒකට තමයි පස්සෙ කාලෙක පාර්ලිමේන්තුව කියල නම ලැබුනෙ. රජ්ජුරුවොත් ඉතිං කිසිම කැමැත්තකින් නෙවෙයි මේ වැඩේට ඉඩ දුන්නෙ. නොකරම බැරි හින්දයි.

පස්සෙ පාර්ලිමේන්තුව රැස්වෙලා රජ්ජුරුවන්ට විරුද්දව කතාවෙන්නෙ එහෙම මොනවදැයි කියල දැනගන්ට රජ්ජුරුවන්ට ඕන උනා. දැං වගේ නෙමෙයි සහෝදරයිනි සහෝදරියනි ඒ කාලෙ රජවරුන්ට වැඩ තිබ්බ. හාල් කඩවලට පයින එක, එතකොට අලි කඩපු ගෙවල් බලන්ට යන එක..එතනිනුත් ගියාම පාරවල් කපන එව්ව බලන්ට යන එක..ඒ වගෙ දේවල් කරන්ට වෙලාවක් තිබ්බෙ නෑ..

ඒ හින්ද අර පාර්ලිමේන්තුවෙ කතාවෙන එව්ව ගැන හැමදාම හවහට හවහට මාළිගාවට ඇවිල්ල රජ්ජුරුවන්ට වාර්තා කරන්ට රජ්ජුරුවො දැම්ම පාර්ලිමේන්තුවෙ ප්‍රදානියා විදිහට රජ්ජුරුවන්ගෙ හොඳම පක්කලියෙක් නොහොත් සට්ටඹියෙක් නොහොත් ඇම්බැට්ටයෙක්...

පාර්ලිමේන්තුවෙ අනික් උදවිය මේ "එන්ටර් ද සට්ටඹි" සීන්ස් එකට ඒ හැටි කැමැත්තක් තිබ්බෙ නැති උනාට රජාගෙ බලකිරීම මත ඒකට එකඟ වෙන්ට සිද්ද වුනාලු. ඉතිං මේ සට්ටඹියා හැමදාම හවහට මාළිගාවට ගිහිල්ල රජා බැහැදැකල "පස්සාන් දාසකට බුදුවෙන්ට රාජෝත්තමයාණනි, අද පාර්ලිමේන්තුවෙ ගොබිලො ටික කතා වුනේ මේං මෙව්වයි මේං මෙව්වයි එතනිං ගිහාම මේං මෙව්වයි..." කියල රජ්ජුරුවන්ට කේළං කියනව. ඒ හින්දම පස්සෙං පහු ඒ යස්සයට පාර්ලිමේන්තුවෙ අනික් අය "The Speaker" කියල කියන්ට ගත්ත. කොහොමහරි ඒ නම එහෙම්මම රෙජිස්ටර් උනා. සිංහලෙං අපි ඔය කතානායක කියන්නෙ අන්න ඒ සට්ටැඹියට.

පස්සෙ හැබැයි එංගලන්තෙම පාර්ලිමේන්තුවෙ ස්පීකර් ගොයිය රජ්ජුරුවන්ට සට්ටඹිකං කොරන එක අතෑරල පොදු මහජනයා වෙනුවෙන් වැඩකරන්ට ගත්තලු. ඒත් අපේ සසිරිබර මෙසිරිලක පාර්ලිමේන්තුවෙ අලුතෙන් මේ ඊයෙ පෙරෙයිද පත්වෙච්චි ඉස්පීකරයනං අපරාදෙ කියන්ට බෑ අර ඉස්පීකර් කියන තනතුරු නාමය හැදිච්චි විදිහ ගැන යස අපූරුවට දන්නව වගේ පේන්ට තියෙන්නෙ. ඒ යකා ඒ කතාව දන්නව විතරක්මත් නෙවෙයි ඒ කතාවෙ කියල තියෙන විදිහට වැඩ කරන්ටත් යනව.

අපේ නන්දෙ සාර් ජනාපෙති පදවියට පත්වීමේ මහාර්ඝ පුණ්‍ය කරුමයට මේ ඊයෙ පෙරෙයිද වර්ෂ පූර්ණෝත්සව මංගල්‍යය පැවැත්වුනයි කියල ඔබ තමුන්නාන්සේලා හැමෝම දැනුම්වත් නේ? හරි...ඉතිං ඔය එතුමාගෙ වර්ස පූර්න මහෝත්සවයට ටොයියෝ සහ ජෙප්පෝ යන දෙපිරිස එකතුවෙලා අති විසාල පේස් බුක් කැම්පේන් එකක් අරගෙන ගියා ඒකෙ තීම් එක වුනේ..සාර් ෆේල් නොහොත් Sir has Failed.

ඔය කැම්පේන් එක මට පේන විදිහට සාර්ගෙ බොක්කටම වැදුන. ජනාපෙතිවරනෙට කලිං රොකට් රෝහිතගෙ ප්‍රධානත්වයෙන් තිබ්බ සාර් වෙනුවෙං බැහැල වැඩ කරපු පේස් බුක් බලකායක් තිබ්බ. අර කට්ට ඇනිච්ච ගෑණු ළමය එහෙම හිටියෙ ඒකෙ. කොහොම හරි ඡන්දෙන් පස්සෙ ඒ බලකාය ඒ හැටි කළ එළියට වැඩක් පලක් කරපු බවක් නම් පේන්ට නෑ. ඉතිං මේ සාර් ෆේල් කතාව පොහොට්ටුවො හැමෝටම වගෙ තදටම වැදුන. ඒ හින්දම ඔය පේල් කියන වචනෙ පොහොට්ටුවන්ට නයාට අඳු කොළ වගෙ වෙලයි තිබුනෙ.. 

ඔය අස්සෙ පාර්ලිමේන්තුවෙ අයවැය විවාදෙදි සජිත් ගොයිය කියනව රාජ්‍යය අසමත්ය කියල (This is A Failed State) ඒ වෙලාවෙ අපේ කටානායක කියල ඉන්න සට්ටඹිය ඒ සෙනේකින් කියනව එහෙම කියන්ට ඉඩ දෙන්ඩ බැරිය. මම ඒක හැන්සාඩ් එකෙන් අයිං කරනවයි කියල. ඒ පාර සජිත් කියනව මම කිව්වෙ "Failed State" කියල නෙවෙයි "Failed Government" කියලයි කියල. අසමත් රාජ්‍යයක් නෙවෙයි අසමත් ආණ්ඩුවක්ය කියලලු කිව්වෙ. 

ඒ කොහොම වෙතත් ඊලඟට ගජේන්ද්‍ර කුමාර් පොන්නම්බලම් මන්ත්‍රී වරයා නැඟිටල කටානායකයට දැඩි ලෙස විරුද්ධත්වය ප්‍රකාස කරනව."ඇයි ෆේල්ඩ් ස්ටේට් අපිට කියන්න බැරිද? ඔබ කොහොමද එහෙම ඔබට ඕන ඕන වචන අපේ කතාවලින් අයින් කරන්නෙ? මොන ස්ථාවර නියෝග යටතෙද එහෙම කරන්නෙ? ..." කියල එයා අහනව.

ඒ කතාව ඇත්තම තමයි බලාගෙන යනකොට. ඕක සජිත්ටයි අහන්න තිබ්බෙ.." මම කිව්වෙ ෆේල්ඩ් ස්ටේට් කියල නෙවෙයි ෆේල්ඩ් ගවර්න්මන්ට් කියල. ඒත් අනික අතට මම ෆේල්ඩ් ස්ටේට් කියල කිව්වම කියමු. ඔබට තියෙන බලය මොකක්ද මගේ අදහස් ප්‍රකාශණ අයිතියට බාධා කරන්න?...අපි මහජන නියෝජිතයො. අපිට බාධාවකින් තොරව අපේ අදහස් ප්‍රකාශනයට මෙතන නිදහස තියෙන්න ඕනෙ...." අන්න එහෙමයි සජිත්ට කියන්න තිබ්බෙ. 

කොහොමහරි ඒ මනුස්සය එහෙම කිව්වෙ නෑ..ඉතිං මේ වැඩෙන් අපට පේන්න තියෙන්නෙ මේ කතානායක කියන මනුස්සය මොනතරම් නම් රාජපක්සලට ගැතිකම් කරනවද කියන එක නෙවෙයිද? තමන් දරන තනතුරේ ගෞරවයවත් රකින්න මේ මිනිහ දන්නෙ නෑනෙ..

ඔය කතානායකය කියන මනුස්සය පාස්කු ප්‍රහාරයෙන් පස්සෙ කිව්වනෙ අපි ඒ ප්‍රහාරය ගැන කලින් ඉඳලල දැනගෙන හිටිය..ඒත් ඒක වළක්වා ගැනිල්ල ආණ්ඩුවෙ වැඩක්..අපි විපක්ෂයෙ..ඒක හින්ද සද්ද නැතුව හිටිය කියල..දෙයියම්පා මේ වගෙ මිනිස්සුන්ටත් ඉර පායනව නෙව..හරිනම් පාස්කු කොමිසම ඉස්සරහට ඉස්සෙල්ලම ගෙන්නන්ට ඕන මේ යකා..ගෙන්නල අහන්ට ඕන මොකක්ද ඒ කිව්ව කතාව?  කොහෙන්ද කාගෙන්ද තොරතුරු ලැබුනෙ? කියල...කොහෙද ඉතිං මේ රටේ කවද්ද වැඩක් හරියට කෙරුනෙ?

පලි - ඔය සට්ටඹි, ඇට්ටඹි සහ ඇම්බැට්ට කියන වචනවලත් හරිම අපූරු තේරුමක් තියනව..ඔහෙල දන්නවය? සට්ටඹිය කියන්නෙ රජ්ජුරුවො නානකොට කුණු අතුල්ලන මනුස්සය..එතකොට ඇට්ටඹිය කියන්න රජා රුන්නහම පස්ස හෝදන එකා..අපි පොඩි කාලෙ හිච්චි එව්වො රීල පුක හෝදන්නෙ නැතුව ඉන්න එකට කියන්නෙ ඇට්ටිම්බෙං ඉන්නව කියල..එතකොට ඇම්බැට්ටය කියන්නෙ රැවුල් කොණ්ඩා කපන මනුස්සයට..නිවට ඇම්බැට්ටය දැක්කම එළුවත් රැවුල පානවලු කියල එහෙම අහල ඇති නේද?

663. පුවක් එෂැණිං - 60 - රනිල් වික්‍රමසිංහ සහ දේවානම්පියතිස්ස....

සිරස ලක්ෂපති තරඟයේ මෙන්න ඔබට ලැබෙන හත්වන ප්‍රශ්නය...

එක්සත් ජාතික පක්ෂයට ලැබුණු ජාතික ලැයිස්තු ආසනයට පුරා මාස තුනක් තිස්සේ කිසිවකු නම් නොකොට කල් මරමින් සිට අවසානයේ රනිල් වික්‍රමසිංහ මහතාවම ඒ සඳහා නම් කිරීමට තුඩුදුන් වැදගත්ම හේතුව මින් කුමක්යැයි ඔබ සිතන්නේද?

A. රනිල් වික්‍රමසිංහ මහතා තම මන්ත්‍රී වැටුප ලබානොගන්නා බැවින් එම මුදල කෝවිඩ් මර්දනය සඳහා යෙදවිය හැකිවීම

B. යුරෝපීය ටයි කෝට් ඇඳුම රනිල් වික්‍රමසිංහ මහතා ඉතාම මනාව අඳින බැවින් පාර්ලිමේන්තුවේ ටයි කෝට් අඳින වෙනත් මන්ත්‍රීවරුන්ට නියම බ්‍රිතාන්‍ය ක්‍රමයට ටයි කෝට් අඳින අන්දම පිළිබඳව ඉගෙන ගත හැකිවීම

C. නිමල් ලංසා, ප්‍රසන්න රණතුංග, කබ්රාල් සහ වාසුදේව වැනි අපතයින් මන්ත්‍රී පදවි දරන පාර්ලිමේන්තුවක රනිල් වැන්නකු හිටියාට අහවල් දෙයක් වෙනවද කියා සිතීම

D. අගමැති පදවිය දැරීම වන් බාරදූර කාර්යයකට වඩා පුල් සූට් එකෙන් සැරසී විපක්සයේ පසුපස අසුනකට බරදී කිසිවක්ම නොකොට අලසව ගත කිරීම (Procrastination ) රනිල්ට උපතින්ම හිමිවී ඇති කුසලතාවයක් වීම

E. ජේ.ආර්.පප්පා මේ රටට කල ලොකුම අපරාධය පිළිබඳව යලි යලිත් ඔහුගේ මෑණියන්දෑගේ ගුණ ගායනා කිරීමට මහජනයාහට අවස්තාවක් ලබා දීම.

සිරස ලක්ෂපති තරඟයේ මෙන්න ඔබට ලැබෙන අටවන ප්‍රශ්නය...

සිංහල ජාතිය අතීතයේ සිටම කිසිම දිනක මස් මාංශ ආහාරයට නොගත් බව පසුගිය දිනක ගොමා සංගමයේ සභාපති දොස්තර පාදඩදෙණිය මහතා ප්‍රකාශ කලා..ඒ අනුව මිහිඳු හිමියන් ලංකාවට සැපත්වුනු අවස්ථාවේ දෙවනපෑතිස් රජතුමා මුවෙකු පසුපස ලුහුබැඳ ගියේ කුමන හේතුවක් නිසාද?

A. මුවාගේ මැක්කන් බහුල නිසා මුවා අල්ලා මැක්කන් නාශක බෙහෙත් ඉසීමටය.

B. මුවා සමඟ සෙල්ෆියක් ගසා ෆේස්බුක් දැමීමටය.

C.මුවාට වඩා තමාට වේගයෙන් දිවිය හැකියයි බිසව සමඟ ඇල්ලූ ඔට්ටුවෙන් ජය ගැනීමටය.

D. මිහිඳු හිමිගේ මොලේ කොළොප්පං වන ප්‍රශ්ණ වලට පිළිතුරු දෙනවාට වඩා මුවා පසුපස දිවයාම දාහෙන් සම්පතකැයි සිතූ නිසාය.

662. ස්නේහයේ සිහිවටන......

ඉහත ඡායාරූපයෙහි දැක්වෙනුයේ කසළ වශයෙන්
බැහැර කරනු උදෙසා මාර්ගයක් අසළවූ කසළ බහාලනයකට
හේත්තු කොට ඇති මංගල ඡායාරූප කිහිපයකි...

"මෙහෙම වෙයි කියල ඔයාට හිතුනද?"

" නෑ."

"මම ඇහුවෙ මේ නිකමටවත්…"

"නෑ නෑ..හීනෙකින් වත් එහෙම හිතුනෙ නෑ…."

"එතකොට ඇයි එහෙම උනේ? "

"මෙහෙමනෙ ..දැං ඒක වෙලා ඉවරයි..."

"ඔව්…."

"ඉතිං එහෙම උනේ ඇයිද කියල හිත කරදර කරගන්න එකේ කිසිම තේරුමක් නෑ.. "

"ඇත්ත…"

"හරි එහෙනං අපි වෙන්ව යමු…"

"අපි ආයෙම දවසක හමුවේවි..මේ විදිහටම නොවුනත්.."

"ඔව්…."

"එදාට ඔයත් වෙනස් වෙලා තියෙයි..මමත් වෙනස් වෙලා තියෙයි…"

"ඔව්…."

"එදාට අපි ආයෙම කෝපි එකක් බොන ගමං අද වගේම ජීවිතය ගැන කතා කරමු…."

"කතා කරල? "

"කතා කරල ආයෙම වෙන්ව යමු…"

ප්‍රේමයේ අම සුවය විඳිමින් සුරත් පටලා ඇවිදගිය මඟ,
ස්නේහයේ මිණි කිරුළ පළඳා ජීවිතය ජයගතිමි සිතු දින,
නොපෑහෙන සිත් දෙකක සිරවී දුක් කඳුළු හෙලනුයේ කුමටද?
සිහිවටන මහමඟ දමා යමු සමඟ රැඳි මහමෙරද හිස් මත,

661. පුවක් එෂැණිං - 59 - පස්ට් ඇනිමසරි පලෝ අප් නොහොත් පෙතම සන්වස්තරේ පසු විපරම...

සාර් හාල් කඩේට පැනීම නොහොත්
ප්‍රසිඩන්ට් ජම්පිං ටු රයිස් බුටික්...

සාර් පත්වෙලා අවුරුද්දකුත් ගියා නෙව..ඒ ගතවෙච්චි අවුරුද්දෙ අපේ සාර් කරපු කියපු දෙවල් ගැන පොඩි පසු විපරමක් කොරන්ට කාලෙ හරි....

1. R.M.V. එකට පැන්නා…මිනිස්සු රස්තියාදු කරවන්නෙ නැතුව වැඩ කරන්නෙ කොහොමද කියල එතන වැඩ කරන අපතයින්ට ඒ ටු ඉසඩ් කියල දීල උං ඔක්කොම නිවැරදි මාර්ගයට ගත්ත. ඊලඟ පාර මං එනකොට සිස්ටං ඔක්කොම අප්ඩේට් වෙලා තියෙන්න ඕන කියල පොඩ්ඩක් සැර මූනක් එහෙම හදාගෙන කිව්ව. අප්පට උඩු දැං බලන්ට එපාය වැඩේ...කිව්වට විස්වාස කරන එකක් නෑ. වාහනයක් ගන්නම ඕන නෑ..ගන්න ඕන කියල හිතුවත් පැය 24 ඇතුලත රෙජිස්ට්‍රේෂන් එක ගෙදරට එනව තැපෑලෙන් ..නිකම්මත් නෙවෙයි...බුලත් කොළේක දවටල..අන්න එහෙමයි අපේ සාර්..R.R.A. විරුවා....M.B.P. සැමදා..

2. හාල් කඩේකට පැනල හාල් ගෝනියක් උඩ ඉඳගෙන හතර අතට කෝල් කරල ඒ වෙලාවෙම හාල් ගණං බැස්සුව සුටුස් ගාල...හමුදාවෙ මේජර් ජෙනරාල් කෙනෙක් යවල අර ඩඩ්ලිගෙ කණට ගැස්සුව. ඒ කරල පොර හංගං හිටපු හාල් ඔක්කොම එළියට අද්දවල මිනිස්සුන්ට නිකං වගෙ දුන්න..අන්න එහෙමයි අපේ සාර්..R.R.A. විරුවා....M.B.P. සැමදා..

3. අන්න අර කොහෙද ඉස්කෝලෙක පිට්ටනියක් හදන්ට කියල සවේන්ද්‍රට කෝල් කරල කිව්ව…හලෝ සවේන්ද්‍ර මෙන්න මේක ගැන පොඩ්ඩක් බලන්නකො කිව්ව එච්චරයි..දවස් දෙකෙං පිට්ටනිය හදල ආමි එකේ කස්ටියයි ගමේ මිනිස්සුයි දෙකට බෙදිල එල්ලේ ගේමකුත් ගැහැව්ව..අන්න එහෙමයි අපේ සාර්..R.R.A. විරුවා....M.B.P. සැමදා..

4. සිංහරාජෙ මැදිං පාරක් කපනවය කියල හාහෝවක් ආව..සාර් ගියා එතනට ඔන් ද ඉස්පොට් පරීක්සනේකට..හොඳට පරීක්සා කරල ඇනලයිස් කරල එහෙම දුන්න තීංදුව..පරිසරේයට කිසිම හානියක් නැතුව පාර කපාපල්ල කියල ආඥාවක් නිකුත් කලා..වැඩේ කෙරුන ඒ විදිහටම ටිප් ටොප් එකට.. 

කොටින්ම  ඒ පාර දැං හදල ඉවර වෙන්ටත් කිට්ටුයි..තවම පාර හදද්දි පරිසර හානියක් කියල වෙලා තියෙන්නෙ පොඩි ඌරු මී පැටියෙකුයි ගැඩවිල්ලු හතර දෙනෙකුයි මැරිල..එච්චරමයි....ඒ ඌරු මී පැටිය උනත් පන්නල දාල උගෙ පන බේරගන්ට එතන වැඩ කරන හමුදාවෙ කට්ටිය ෆුල් ට්‍රයි කරල තියනව හරි ගිහිල්ල නෑ පව්..ඒ ඇරුනම බැලතණ පඳුරු තුනකුයි ගිරිතිල්ල වැල් දෙකකුයි ගැලවිල තියනව...R.R.A. විරුවා....M.B.P. සැමදා..

5. ජනාදිපති වෙච්චි ගමං මහ බැංකු හොරු අල්ලල ලංකාවටෙ ගෙනල්ල හිරේ දම්මනවයි කිව්ව...ආය මොනවද? කොටිම්ම ජනාදිපතිවරන ප්‍රතිපල නිකුත් කරන දවසෙ රෑ දිස්ත්‍රික්ක 25න් 18 ක ප්‍රතිපල කියනකොට එතුමා දිනන බව ෂුවර් වුනා. ඒ වෙලාවෙම ඒ මහ රෑම මට මතක විදිහට 1.45 ද කොහෙද වෙලාව..එතුමාම කාරෙක එලවගෙන ගියා එයා පෝට් එකට සී අයි.ඩී. කට්ටිය හතර  දෙනෙක් දාගෙන යන ගමං ඇඹුල්දෙණිය හන්දියෙ සෙඩ් එකෙං  පෙට්‍රල් ගැහුවෙ එතුමාගෙ අතේ තිබ්බ සල්ලි වලිං....

ඒ කරල එතනම තිබ්බ අර කවුද ගෑණු මනුස්සයෙක් කරන චයිනීස් රෝල් කඩෙන් රෝල් දහයක් අරගෙන අර සී.අයි.ඩී. කට්ටියට දුන්න ප්ලෙන් එකට ගොඩවෙනකල් එයාපෝට් එකේදි එහෙම පොඩි බඩගින්නක් හැදුනොත් කන්ටෙයි කියල..  අන්න නායකයො..ගිහිල්ල එදා රෑම පිටත් කලා සී.අයි.ඩී. කට්ටිය සිංගප්පූරුවට..දවස් දෙකයි ගියේ සී අයි.ඩී. කට්ටිය මහේන්ද්‍රන්වල කුදලාගෙන ආවෙ ආර්.එල් ස්පිට්ල් මහත්තය ලියපු මැකී ගිය දඩමං පොතේ ගෝඹිරයි, පොරමොලයි, හඳුනයි ගමායි තඩි ගහපු ගෝනෙක් තඩලාගෙන එනව වගෙ.

ඇවිල්ල නඩු අහල අච්චු කරල මිනිහ දැං වැලිකඩ මහ උළු ගෙදර පොල් ලෙලි තලනව...මේ වෙනකොට පොල් ලෙලි කිලෝ හාරදාස් තුන්සිය පණස් හයයි ග්‍රෑම් දෙසිය දාහතරක් තලල කියලයි ආරංචිය....R.R.A. විරුවා....M.B.P. සැමදා..

6. ඊගාවට පාස්කු කොමිසම...පාස්කු ප්‍රහාරෙ ගැන සී.අයි.ඩී. එකෙන් පරීක්සන පවත්තල වැරදිකාරයොන්ට දඬුවම් දෙන එක තමයි කරන්නඕන නියම ක්‍රියා පටිපාටිය. අපේ සාර් ඇවිල්ල එහෙම නියමිත ක්‍රියා පටිපාටියට වැඩ කරන කෙනෙක් නෙවෙයිනෙ. එතුමා ඇවිල්ල තියෙන්නෙ සිස්ටම් එක වෙනස් කරන්න. 

ඒ හින්ද එතුමා කලේ ඒ පොලිස් පරීක්සන පැත්තක තියල දැම්ම පාස්කු කොමිසම කියල අටමගලයක්. ඒක ඇවිල්ල අර ඒ කාලෙ රේඩියෝ ජිංගල් එකක් ගියේ..යසපාලිතගෙ වැඩක්..සිනා සාගරයක් කියල ෆිල්ම් ඇඩ් එකක්..අන්න ඒවගෙ සොමි සාගරයක්..

රනිල එක දවසක් ඇවිල්ල හිටංගෙ සරම ගලවනව..හිටං පහුවදා ඇවිල්ල රනිලගෙ කලිසම ඔලුවෙං ගලවනව...ඒ කාලෙ හිටපු ආරක්සක ලේකම් ඇවිල්ල කියනව මම ඒ ගැන දන්නෙ නෑ කියල..හිටපු පොලිස් පති ඇවිල්ල කියනව ජනාදිපති පුරුද්දක් විදිහට බොරු කියනව කියල..බුද්දි අන්සෙ ලොක්ක ඇවිල්ල කියනව මට කිසිම තොරතුරක් ලැබුනෙ නෑ කියල..තනිකර කැඳ හැලියක්...ඒ තිබිල තියන  තත්වෙ හැටියට තුන්සිය ගානක් මැරිල බේරුන එක ලොකු දෙයක්..බොහෝවිට පාස්කු කොමිසමේ තීන්දුවත් ඒකම වෙයි. තිබ්බ විදිහට ඔයින් ගියා ඇති කියල..

ඔන්න ඔහොමයි එතුමා  මේ  පත්වෙලා ගතවෙච්චි අවුරුද්දට රට ගොඩ නඟල තියෙන ආකාරය...තේරුනා නෙවද?