166. Online ප්‍රේමයේ උප්පත්ති කාලය ගැන ආරංචියක්

    රටක, කළාපයක ඉතිහාසය හැදෑරීමේ දී විවිධ නිර්ණායක භාවිතා වෙනවා. ඒ අතුරින් කලා කෘති වලට ලැබෙන්නේ වැදගත් තැනක්. හැදෑරීමට ලක්වන සමයට අදාළ මූර්ති, කැටයම්, චිත්‍ර පමණක් නොව විවිධ ලියැවිලි ද ඉතිහාසය ගැට ගසා ගැනීමට එකතු කර ගන්නා සවි ශක්තිය ඇති රැහැන් පට වෙනවා.

    මෑත කාලීන ඉතිහාසය සැලකීමේ දී වේදිකා නාට්‍යය, නූර්ති, ඉන්පසු එළඹුණු අවධියේ ගීත, චිත්‍රපට සහ ටෙලි නාට්‍ය වැනි කලා කෘති අධ්‍යයන කිරීමෙන් තත්කාලීන සමාජයේ හැසිරීම පිළිබඳ සිතුවම් වර්ණ ගන්වා ගන්න හැකියාව ලැබෙනවා. උදාහරණයක් මෙහෙම කියන්නම්. මෑතක දී යශෝරාවය නාට්‍යය නැවත වතාවක් මා නැරඹූවා. එහි ‘රංජනීලෑ තාත්තා‘ මත්පැන් පානය කරන දසුනක් කිසිම රූප බාධාවකින් තොරව විකාශය වනවා. එය වර්තමානයට වඩා වෙනස් ටෙලි නාට්‍යය භාවිතාවක් බව අප දන්නවා. එමගින් තත්කාලීන සමාජය මත්ද්‍රව්‍ය කෙරෙහි දක්වන ලද ලිහිල් ප්‍රතිපත්තියක ඡායාවක් අපට පෙනී නොපෙනී යනවා.

    මීට අවුරුදු 24කට 25කට පෙර අපි උසස් පෙළ අවධියේ සිටිද්දි ප්‍රගතිගාමී එකතු කිරීම් සහ වෙනස්කම් කිහිපයක් අධ්‍යාපන රටාවේ සිද්ධ වුණා. ඒ කාලයේ තිබුණු දැඩි යැයි කියන්න හැකි පාසල් විනය නීති වලට හුරුව සිටි අපට ඒ සමහර වෙනස්කම් පුදුමයක් වුණා කියන්න පුළුවන්. එයින් එකක් ලෙස උසස් පෙළට මුල් වතාවට එම වසරේ දී හෝ ඊට පෙර වසරේ දී හෝ ඇතුලත් කෙරුණු තරමක විශාල ඉංග්‍රීසි අච්චු පොතේ තිබුණු ඉංග්‍රීසි ගීතත්, ඒ සමග ලැබුණු කැසට් පටයත් සිිහි වනවා. එකල ඉංග්‍රීසි සිංදු කියමින් ‘නැටිල්ල‘ අශෝබන දෙයක් සේ හැඟවෙන පරිසරයක හිටි අපට පංතියේ දි කැසට් පටය වාදනය කරමින් එම ගීත ගායනා කිරීමේ අවස්ථාව උදා වුණා.

    ‘Back Street Boys’ ගේ As long as you love me සහ Quit playing games with my heart එම එකතුවේ තිබුණු බව මතකයි. දැන් මතකය දැදුරු වෙලා තිබෙන නිසා හරියට ම තිබුණු සියලුම ගීත සිහි වන්නේ නැහැ, හොටෙල් කැලිෆෝනියාත් තිබුණා ද මන්දා!

මේ සියලු අසා පුරුදු ගීත අතර මා ඊට පෙර අසා නොතිබුණු ගීතයක් තිබුණා. ඒත් මේ අද වුව, ඇඟ ලොමු දැහැගන්වමින්, යොවුන් බ්‍රිට්නි ස්පියර්ස්ගේ හඬින් Forever… කියන්නා ඇසෙන්නා වාගේ ඒ ගීතය සිහිවන සැනින් මන සවනේ රැව් පිළි රැව් දීම ඇරඹෙනවා. එය පෙම් හබයක් මද දුරකට ඇදී යාමෙන් පෙම්වතුන් අතර ඇති වූ විරසකය පිළිසකර කර ගැනීම පිණිස යොවුන් පෙම්වතිය විසින් කරන දුක් ගී ගායනාවක්. එම ගායන විලාශය නිසා ඇගේ හඬින් ඇගේ ඉකි බිඳුම අප වෙත සංනිවේදනය වනවා වාගේ.

Forever…

It's been hours seems like days

since you went away

And all I do is check the screen

to see if you're okay

You don't answer when I phone

'cause you wanna be left alone

So I'm sending you my heart,

my soul and this is what I'll say

I'm sorry, oh, so sorry

Can't you give me one more chance

To make it all up to you

    කොටින් ම ඒ දිනවල මා ඒ පෙම්වතී වී ඒ දුක මුලු හදින් ම වින්දේ පෙම්වතකු පේන තෙක් මානයක නොසිටි අවධියක ය... කලාව!

    ඉතිං මා මේ ලිපියට අත තැබූ කාරණයට නැවතත් ගියොත් මේ ගීතයෙන් එකල තාක්ෂණික භාවිතාවන් ගැන අදහසක් ලබා දෙන අයුරු අපිට දකින්න පුළුවන්. ඈ ඇගේ පෙම්වතාට මේ කියන Screen එක කුමක් වන්න පුළුවන් කියලා ද ඔබට හිතෙන්නේ?... දුරකතනයේ?...

    නැහැ!... මේ කියන්නේ පරිගණක තිරය ගැනයි. ඇය පරිගණක තිරය දෙස නෙත් නොසලා බලා සිටින්නේ ඔහුගෙන් ඊ මේල් පණිවිඩයක් ලැබෙන තුරුයි. මේ ගීතය ප්‍රේක්ෂකයාට නිදහස් වන්නේ 1999 වසරේ දි. ඒ වනවිට ස්මාර්ට් ෆෝන් මේ ලෝකය ආක්‍රමණය කර තිබුණේ නැහැ. අපි අද කාට හෝ දුරකතනයෙන් ඇමතීම phone ලෙස සඳහන් කරන්නේ නැහැ. අපි භාවිතා කරන්නේ call යන වදන. බොහෝවිට ඈ මේ සඳහන් කරන්නේ ස්ථාවර දුරකතන පිළිබඳ ව වන්නටත් පුලුවන්.

    ඇය මෙහෙම පවසනවා,

“අපේ ආදරය කිසිදා නොනැසෙන බව ලියා ඊ මේලයකින් 

මා මගේ හදවත ඔබට එවමි

මම දනිමි ඔබ ඔය ඔතන හිඳ තවමත් මා කෙරෙහි සැලකිල්ලෙන් ඉන්නා බව

නැවත මා වෙත ඊ මේලයක් එවා මට කියන්න අපේ ආදරය සුරැකි ව තිබෙන බව“

E-mail my heart and say our love will never die

I know you're out there and I know that you still care

E-mail me back and say our love will stay alive

Forever... e-mail my heart...

    ඇය තව දේ කියනවා. ඒ දේවලින් ඒ කාලයේ මිනිසුන් තාක්ෂණය හා ගනුදෙනු කළ අයුරු ගැන විවිධ අදහස් අප වෙත ගලා එනවා.

Online වෙනුවට on the line!

I can see you in my mind coming on the line

And opening this letter that I've sent a hundred times

Here's a picture of us two, I look so good on you

And can't you please forgive me for the hurt I put you through?

    පෙම් හසුන් හුවමාරු කරගත් අවධියේ ප්‍රේම කතා සේ ම ඊ මේල් වලින් පෙම් කෙරූ අවධියේ ප්‍රේම කතාත් සොඳුරු ව තිබෙන්න ඇති. විරහ ව තදින් දනවන්න ඇති. ලියුම් දෙකක් අතර කාලයේ කේන්තිය, තරහ නිවී විරහ වේදනාව මතු වී බන්ධන සවිමත් වූවා සේ ම ඊ මේල් අතරත් ඔවැනි දේ තිබෙන්න ඇති.

    පරෙවියන් අත පෙම් හසුන් යැවූ කාලයට පෙර සිට ඊ මේල් යුගය දක්වා ද, ඉන්පසු එලඹුණු වට්ස්ඇප් mk? Bs Gn යුගයේ ද මිනිස් හැඟීම් දැනීම් වල වෙනසක් සිදු වී නැති බව ලොව නන් දෙසින් මතු වී තිබෙන සමහර පුරාණ කලා නිර්මාණ, ලේඛන ආදිය ශාක්ෂි සපයනවා. ඒක එහෙම වෙද්දී වර්තමාන බන්ධන වල ස්වභාවය වෙනස් වන්නට ප්‍රතිචාර වේගය බලපානවා විය යුතුයි. 

 තාක්ෂණය සපයා ඇති පහසුකම් උපයෝගී කරගෙන සිතුවිල්ලක වේගයෙන් හැඟීම් අකුරු කරන්නට යෑම නිසා පෙම් කතා පමණක් නොව අනෙකුත් පුද්ගල සම්බන්ධතා වල ද සමහරවිට පලුදු ඇතිවන අයුරු විවිධ මිතුරු හවුල් වල නිතර දෙවේලේ ඇඟිලි තුඩින් ඇවිදින විට අපිට දකින්න ලැබෙන අවස්ථා තිබෙනවා. නැවතිල්ලේ හිතලා බැලුව ම ලියුම් ලියූ යුගයටත් වඩා කල්ගෙන පිළිතුරු සපයන්නත් පුළුවන් අවකාශයක් අපට විවෘත වී තිබෙන්නේ. කල් ගැනීම හෝ ක්ෂණික ව ක්‍රියාත්මක වීම හෝ යන දෙකින් එකක් තෝරා ගැනීමේ අවස්ථාව ඇති අරුම පුදුම අවකාශයක සැරි සැරුවත් වැඩිපුර ම වෙන්නේ ක්ෂණික ප්‍රතිචාර දැක්වීම්!

    වසර 2000න් පසු ඉපදුණු දරුවන්ට නම් තැපැල් ප්‍රේමය තබා ඊ මේල් ප්‍රේමයවත් සිතා ගන්න අපහසු වෙන්න පුලුවන්. අපේ දුව අහනවා මේ ෆෝන් එකේ මැසේජ් කියලා තියෙන එකෙන් මොකක් ද කෙරෙන්නේ?, වට්ස්ඇප් තියෙද්දි ඇයි තව මැසේජ් කියලා එකක් තියෙන්නේ?, ඒ මැසේජ් එක යවන කෙනා දැක්ක ද කියලා දැන ගන්න බැරි ඇයි? කිසිම වැඩක් නැති ඇප් එකක්නේ කියලා. ඒ වෙලාවට මට මැවිලා පේනවා, බ්‍රිට්නි ස්පියර්ස් උදේට මූණ හෝදන්නේ, දත් මදින්නේවත් නැති ව, කඳුලු පුරවගෙන, CRT මොනීටරයකට එබීගෙන ඉන්න විදිහ.

ගීතය මෙතැනින් බලන්න, අහන්න පුලුවන්

Forever...

It's been hours seems like days since you went away

And all I do is check the screen to see if you're okay

You don't answer when I phone

'cause you wanna be left alone

So I'm sending you my heart,

my soul and this is what I'll say

I'm sorry, oh, so sorry

Can't you give me one more chance

To make it all up to you

E-mail my heart and say our love will never die

I know you're out there and I know that you still care

E-mail me back and say our love will stay alive

Forever, e-mail my heart

I can see you in my mind coming on the line

And opening this letter that I've sent a hundred times

Here's a picture of us two, I look so good on you

And can't you please forgive me for the hurt I put you through?

I'm sorry, oh, so sorry

Can't you give me one more chance

To make it all up to you

E-mail my heart and say our love will never die

I know you're out there and I know that you still care

E-mail me back and say our love will stay alive

Forever, e-mail my heart

I'm sorry, oh, so sorry

Can't you give me one more chance

To make it all up to you

E-mail my heart and say our love will never die

I know you're out there and I know that you still care

E-mail me back and say our love will stay alive

Forever, e-mail my

Forever, e-mail my

Forever, e-mail my heart