Monday, July 19, 2010

62. ඩෙංගු මාරයා පරද්දමුද ?

ඩෙංගු මාරයා පරද්දමුද ? (දුමී අයියාගේ ලිපිය උපුටා දක්වමි)

Posted by දුමී



ඉස්සෙල්ලම කියන්න ඕන මේකනම් මේ කට කහනවට කියන කතාවක් නෙවෙයි කියල. අපේ මුළු පවුලම පසුගිය ජූනි 23 වෙනිද ලංකාවට ආවෙ මගේ දුවගෙයි පුතාගෙයි ඉස්කෝලෙ සමර් එකට නිවාඩු දීපු නිසා. මෙහෙ ඉස්ස්කෝල වලට එක දිගට මාස දෙකක් විතර නිවාඩු දෙනව මොකද මේ කාලේ අවුරුද්දෙ රස්නම කාලේ නිසා. පිටත උෂ්නත්වය මේ දවස්වල c 50 පනිනවා.

ඒගොල්ලොත් එක්කම ලංකාවට ආවත් මට ආපහු එන්න උනේ එක දිගටම මට නිවාඩු ගන්න තිබුන අපහසුතාවය නිසා. ආපහු ඇවිල්ල ටික දවසයි ගියේ මගෙ බිරිඳ කතා කරල කිව්ව මගේ පොඩි පුතාට හොඳටම උණ කියල. එයා ඉක්මනටම පුතාව ආසිරි එකට ගෙනිහිල්ල බෙහෙත් අරගෙන ඇවිල්ල තිබුනා. දොස්තර නම් කියන්නෙ බය වෙන්න එපා දවස් තුනකින් උණ අඩු උනේ නැතිනම් ලේ ටෙස්ට් කරල බලන්න කියලා. කොහොමත් පහු ගිය දවස් දෙකේම රෑට සහලෝල උණ ගත්ත නිසා එයාගේ ලේ පරීක්ෂා කරල ඊයේ හවස. තුණුරුවන්ගේ පිහිටෙන් මගේ පුතාට ඩෙංගු වැලඳිලා නෑ. අදවෙනකොට පුතාගේ උණ හොඳටම වගේ හොඳ වෙලා. පහුගිය දවස්වල හිතේ තිබුන නොසන්සුන්කම ගැන නම් කියලා වැඩක් නැහැ.

පත්තරෙන් දැක්ක පහුගිය මාස කීපයට ලංකාවෙ ඩෙංගු වලින් 140 දෙනෙක් මිය ගිහිල්ල කියලා. ඒ වගේම ඊයෙ පෙරේද දෙහිවල පැත්තෙ අවුරුදු 5ක මලක් වගේ පොඩි පුතෙකුත්, මාතර පැත්තෙ අවුරුදු 14ක දියණියකුත් තවත් තරුණ වෛද්‍යවරියකුත් ඩෙංගු මාරයාට බිලි වෙලා. මේක කොතනින්ද නවතින්න යන්නෙ ?

මේත් එක්කම මට මතක් උනේ ටික කාලෙක ඉස්සෙල්ල ලැබිච්ච ඊ මේල් එකක තිබිච්ච ඩෙංගු ප්‍රතිකර්මයයි. ඒ තමා ගස්ලබු කොල ඉස්ම. පොඩ්ඩක් ගුගුල් කරල බලන්න මැලේසියාවෙ, පිලිපීනය වගේ රටවල් වල ඩෙංගු හැදිච්ච කීදෙනෙක් මේකෙන් සම්පූර්ණයෙන්ම හොඳ වෙලා තියෙනවද කියලා. ගිහිල්ල බලන්න ඒ ගොල්ලො තමන්ගෙ අත්දැකීම් දාල තියෙන හැටි !

මෙච්චර මේකෙන් පීඩා විඳින අපිට ඇයි මේක පාවිච්චි කරලා බලන්න බැරි ? ඕන තරං ගස්ලබු ගස් හොයා ගන්න පුළුවං අපේ රටේ ඇයි මේ ප්‍රතිකර්මය කරල බලන්නෙ නැත්තෙ ? මේක විද්‍යාණුකූලව ඔප්පු කරලා නැහැය කියලා යට ගහන්නෙ නැතිව ලෙඩාගේ ඇඟේ ප්‍රතිෂක්තිය හැදෙනකන්ය කියල මරණයට කැප කරන්නෙ නැතුව මෙ ගස් ලබු කොල ඉස්ම මේස හැන්දක් දෙකක් දීල මේ ජීවිතයක් බේර ගන්න බැරිද ?

කියවපු ඒ අත්දැකීම් වලට අනුව, ප්ලේටල් කවුන්ට් එක අඩු වෙච්ච අයට ගස්ලබු කොල ඉස්ම මේස හැඳි දෙකක් බීපු ගමන් නොහිතන විදිහට ප්ලේටල් කවුන්ට් එක වැඩි වෙනවලු. ඒ වගේම උණත් සීග්‍රයෙන් බැහැල යනවලු.

ගස්ලබු කොල ඉස්ම හදාගන්න පුළුවන් මේ විදිහට,

1) ගස්ලබු කොල දෙකක් ගන්න.
2) ඒවා පිරිසුදු වතුරෙන් පමනක් හෝදාගන්න.
3) ඒවායේ නාරටි, දඬු වගේ දේවල් ඉවත් කර කොලය පමනක් සූරා ගන්න.
4) එම කොල ටික පොඩි බෙහෙත් වංගෙඩියකට හෝ එවැනි දෙයක් භාවිතා කර හොඳින් තලා ගන්න.
5) ඉන්පසු පිරිසුදු රෙදි කැබැල්ලක් භාවිතා කර ඉස්ම බේරා ගන්න.

මේ ආකාරයට ගස්ලබු කොල ඉස්ම මේස හැඳි දෙකක් පමණ සාදා ගත හැකි යැයි පවසණු ලබනවා. එය රෝගියාට උදේ හවස දීමෙන් ඩෙංගු රෝගීන්ව ඉක්මනටම සුවපත් කල හැකි වේ යැයි පැවසෙනවා.

දන්න හඳුනන කාට හරි ඩෙංගු හැදිල නම්, මේ ප්‍රතිකර්මය කරලා බලමුද ? සාර්ථක උනොත් කීදෙනෙක්ගෙ ජීවිත බේරගන්න පුළුවං වෙයිද ?

කවුරු හරි දැනටමත් මේක අත්හදා බලල තියෙනවනම් තමන්ගේ අත්දැකීමත් මේකට දානවද කරුණාකරල ?


අපි සිංහල බ්ලොග් ලියන අය හැටියට මේක කැම්පේන් කරමුද ? අපි හැම එක්කෙනාම මේ බෙහෙත ගැන තමන්ගෙ බ්ලොග් එකේ පෝස්ට් එකක් දැම්මොත් තව වැඩිපුර එක්කෙනෙක් හැරි ඒක දැකල ජීවිතයක් බේරුනොත් කොච්චර හොඳයිද ? දාමුද හැම එක්කෙනාම මේක ගැන පෝස්ට් එකක්. මගෙ පෝස්ට් එකෙන් ඕන දෙයක් පිටපත් කරගන්න. අපි සමාජය දැනුවත් කරමු කරුණාකරල.

බී.අයි.ටී හරි , මදුරු තෙල් හරි ගහනකන් බලාගෙන ඉන්නෙ නැතිව අපිට ජීවිත කීපයක් හරි බේරගන්න පුළුවං උනෝතින් ඒක තමා සිංහල බ්ලොග් කරුවන් විදිහට අපිට කරන්න පුළුවං ලොකුම සද්කාරිය.


මගේ පෝස්ට් එකට ටිකකට කලින් අංජන මල්ලිත් මේක ගැන ඉතා වටිනා පෝස්ට් එකක් කරලා. මේක වෛද්‍ය පරීක්ෂණයකින් සනාථ කලා කියල තමයි එය දාල තියෙන්නෙ. ඒක ගොඩක්ම හොඳ ආරංචියක්. දාල තියෙන ලින්ක් එකෙන් ඒක කියවලා බලන්න.


Read more: http://dhumee.blogspot.com/#ixzz0u7BWFJnU

6 comments:

  1. වටින ලිපියක් ...

    එත් කියෙන් කි දෙනාද ක්‍රියාවේ යොදවන්නේ ....

    ReplyDelete
  2. බොහොම අගෙයි.......ඒත් අපිට වඩා මෙය ඉක්මනින් සමාජ ගත කල හැකි වගකිවයුත්තො තාමත් නිහඬව ඉඳීම තමා ඉවසන්න බැරි....:(

    ReplyDelete
  3. අඳුරේ ඉන්නවාට වඩා එක පහනක් හෝ දල්වන එක වැදගත්.

    ස්තුතියි රන්දිල් නගෝ.

    ReplyDelete
  4. ම්ම්ම්ම්...
    මම අද හිරැ එකේ නිව්ස් අහනකොට ඒකෙ කිවුවා ලංකාවෙ වෛද්‍යාචාර්ය කෙනෙක් ඩෙංගු වලට බෙහෙතක් හොයාගෙන කියලා. ඒ වගේම එයා ඒ බෙහෙත ලියාපදිංචි කරලත් තියෙනවලු..

    එයා හොයාගෙන තියෙන්නෙත් මේ ගස්ලබු ආශිත බෙහෙතක්.. එතුමා කියන විදියට රෝගය හැදුන කෙනෙක්ට ‍ගස්ලබු ගෙඩියක් කන්න දීලා පිරිසිදු කිරි වීදුරැ 3ක් බොන්න දුන්නම ලෙඩේ හොද වෙනවලු..


    (මේ නිවුස් එක මට ඇහුන හැටි..)

    ReplyDelete
  5. අනේ, මමත් ලිපියක් ලියන්න උන්නෙ. පහුගිය ටිකේම වැඩ. මේ දැන් තමයි බ්ලොග් පැත්තෙ ආවෙ. ඉතින් මමත් කලේ, දුමී අයියාගෙ ලිපිය මේ විහියටම උපුටා දක්වපු එක තමයි.

    ReplyDelete
  6. මේ ලිපිය කියවපු සහ එයින් අදහසක් ගත් සැමටම ස්තුතියි. ලිපියක් සකස් කර කර ඉන්නවාට වඩා දුමී අයියාගේ ලිපිය ම පළ කලේ කාලය පිළිබඳ ප්‍රශ්නය නිසාත් ඒ කාලය තුලදීත් තව කෙනෙකුගේ ජීවිතය අවධානමට ලක් වීමෙන් වලකා ගත හැකිවන නිසාත්ය. මේ ලිපි ව්‍යාපාරය ගැන විවිධ මත පළවුනා. ඒ මත සහ මේ මත සළකා බලා වඩා හොඳ තීරණයක් ගැනීම බුද්ධිමත්අප සැමගේම යුතුකමයි. මගේ අදහස නම් මේ ගස්ලබු වැඩේ හරියටම හරියන දෙයක් බවයි.

    මෙහිදී කොමෙන්ට් පළ කල සියල්ලටමත් ස්තුතියි.
    අන්ශ් නගේ මොකද්ද අර බස් එකේ දාලා තියෙන ,එක්තරා සුරංගනා කතාවක අන්තිම පරිච්ඡේදයේ, අන්තිම ඡේදය ලියන්න සූදානම් වෙමින්...!! කථාවේ තේරුම? බඳින්නවත් ලෑස්තිවෙනවාද? අගක් මුලක් දන්නේ නැති නිසායි අහන්නේ?

    ReplyDelete

මගේ සිතුවිලි ගැන ඔබේ සිතුවිලි

LinkWithin

Related Posts Plugin for WordPress, Blogger...