හද කම්පාකල නික්මයාමක්..............

සුපුල් විකසිත වන්ට පෙරදිම,
පරවු අරවින්දයකි මල ඔබ,
සසර පෙර කල අකුසලක්විද,
නික්ම යන්නට කිමද කාරණ,

නුදුටුමුත් කිසිදිනක ඔබ රුව,
සදා සොයුරකු වීය අප හට,
නිවෙන්නට පෙර තිරය අවසන,
පහන් සිල එළි කරයි දසතම,

හදේ සෝ දුක් සුසුම් නැගෙනා,
නෙතඟ උණු කඳුලැල්ය ගලනා,
බුදුන් පාමුල වැතිර පතනා,
පැතුම මෙලෙසයි සදා බැතිනා,

සසර මඟ ඔබ පැතුම් සැමදා ඉටු වේවා!
නැවත අප අතරම විගස ඔබ ඉපදේවා!
අකල් වූ මරණයක් ඔබ හට නොවේවා!
සසර කෙලවර නිවන් සුවයෙන් නිවී සැනසේවා!