102. නිල් දෑසින් සමු ගන්නෙමි.... Haunting Blue eyes ...The Inevitable Farewell

හන්තාන කඳු මතින්,
එබෙන සඳවතිය මත,
දිලෙන තරු එළිය මගෙ,
හිතට ගෙනෙනා හැඟුම් දුක්බරයි,

අතීතේ එක් දිනක
දිලුනු නිල් තරු යුවල,
ආයෙමත් හිත් කොණක,
දැල්වෙන්නෙ කාලෙකට පසු තමයි,

සඳළු තලයේ වැතිර
කණමැදිරි එළි අතර,
සිත මත්ව යනතුරා,
බලා හිඳිනෙමි එකම සැනසුමත් ඒ තමයි,

සසර දිගු මංපෙතේ,
අප දෙපසකට වෙන්වු,
දෙමංසල කාළයේ,
තිමිර පටලෙන් බොඳව ගිය හැඩයි,

හිතේ දැල්වුණු එකල,
ගිනිමැළය නිවී ගිය,
ඉතිරි වූ අළු යටින්,
ගිනි පුළිඟු ආයෙමත් පණ ගසයි,

අයාලේ යන මසිත,
බඳිමි සවි වර පටින්,
සොඳුරු මතකය රැගෙන,
යලි ඔබෙන් සමුගන්න අවසරයි,